السلام عليكم ورحمة الله وبركاته

حياكم الله متابعيني وعملائي❤

مالكم بالطويلة😂 ندخل بالموضوع على طول

اللي تبي تكثيف وتطويل والتساقط يخف تقرا👇

هذي صورة لوحده ايرانيه استمرت بالحلبه ولاحظت الفراغ بدا يتغطى

شوفوا انا ماراح اقول وش فوايدها لانها عظيمه فعلا

بذكركم استخدامي للحلبة ، وايش اكثر شي اسويه 

اولا قبل الاستحمام بساعتين ترشين الحلبه ع فروتك وفراغاتك وتلبسين كيس (اغلي كوب مويه مع ملعقه كبيره حلبه ثم صفيه ورشيه لما يبرد)

ثانيا وهالطريقه احببببها اغلي الحلبه مع الماء واضيف اكليل الجبل وورق غار وزعتر بري واعجن فيهم الحنا ، واخمر الحنا 3 ايام وكل يوم احركها باستمرار هذي طريقتي بالحنا وهنا طريقة التخمير

https://www.instagram.com/p/CAmlvilJ17Y/?igshid=YmMyMTA2M2Y=

واصفيهم واعجن فيهم الحنا وكل اسبوع احط الحنا لمدة 6 ساعات او 8 ساعات واغسله 

ثالثا تطحنين الحلبه وتاخذين منها ملعقه كبيره وتنقعينه مع زيت شعرك ، او 

تاخذين منها ملعقه وتحطينها مع الماسك حقك او الزبادي والعسل وزيت جوزالهند 

رابعا الحلبه المستنبته عجيبه جدا واحبها وريحتها تخف نسبة 70% وهذي طريقتها : 

نقعي الحلبه يوم كامل 

صفي الحلبه 

وزعي الحلبه في صحن كبير متساوي واحرصي انها نشفت من الماء 100%

يعني حطي مناديل ورقيه ع الصحن ثم وزعي الحلبه بالتساوي 

وحطي طبقة مناديل ثانيه 

رشي المناديل بالماء شوي بس لحد ماتحسين المناديل تبللت 

دخليها بمكان مظلم

كل يوم رشي ورجعيها 

لمدة 3 ايام 

ثم تلاحظين انها نبتت الحلبه طلعيها واخلطيها مع زيت وجل الصبار 

وحطيه بشعرك لمده ساعتين كل اسبوع 

خامسا اخذي صباره طازجه وقصيها من النصف واحشيها حلبه حب وحبة البركه ورجعي سكري الصباره (كنك تسوين سندويتش) غطيها بخيشة رز 

وكل يوم شيكي عليها لمده 3 ايام 

اذا نبتوا اخذي كل اللي بالصباره من جل وحبة البركه والحلبه واخلطيهم بالخلاط زييين 

وحطيها مره كل اسبوع وساعتين على الشعر

..

#خلطات

#تكثيف_الشعر 

#تطويل_الشعر 

#عنايه_بالشعر