اهلين بنات
تعرفون لما تسوون كيرلي مرات يصير شعرك ماله لفه ويقعد طايح
او مرات يصير يابس
مع انك مهتمه بالماسكات بس وصلتي لمرحلة تحسين انك مليتي من شعرك وتفكرين بمواد المعالجه
اسمعي
خليني اقولك وابشرك😍
اذا شعرك متوازن الترطيب والبروتين
راح يلف معاك لفات حلوه وهاديه وناعمه
بس اذا صار مليان بروتين وقليل ترطيب بيصير لك يابس
او اذا مليان ترطيب وقليل بروتين بيصير مطاطي ويتقطع وضعيف وطايح مافي لفات
طيب ي اللي شعرك يجيب العافيه خليني اقولك
سوي اختبار خذي شعره مبلله من راسك
مددي شعرتك وشوفيها اذا انقطعت ترا مليان بروتين وقليل ترطيب
اذا تمددت ومارجعت لوضعها الاول ترا مليان ترطيب وقليل بروتين
خلاص الحين عرفنا نتيجه اختبار شعرك
اقري الحين زين
اولا اذا شعرك مليان بروتين او ترطيب اول شي نسويه وش؟؟
نروح اقرب صيدلية وناخذ منهم شامبو منقي
هذا شامبو يشيل ابو المنتجات المتراكمه على شعرك
وهذا اللي نبيه نبي نشيل البروتين والترطيب الزايد اللي ماله داعي ومخرب شعرك
بعدها اذا شعرك مليان بروتين وقليل ترطيب اسألي الصيدليه او ابحثي بقوقل منتجات ترطيب وششش كثرها طبي واختاري اكتبي ماسك ترطيب وسويه كل اسبوع لمدة شهر عشان نوازن العمليه
بعدها يصير تستخدمين بروتين اسبوع والاسبوع الثاني ترطيب
طبعا منتجات البروتين وش كثرها بعد اكتبي وابحثي تلاقينهم
كل شي سسسسهل 😍
..
طيب نفس الشي اذا شعرك فيه ترطيب كثير وبروتين قليل اغسلي بالشامبو المنقي
ثم ابدي كل اسبوع حطي ماسكات بروتين سواء طبيعيه او جاهزه
او من متجرنا ماسك البروتين والكيراتين 🤓
من هنا👇
بعد شهر يصير تنوعين مابين ماسكات البروتين والترطيب كل اسبوع تحطين نوع
..
طيب الحين نجي للتكنيك
خلال ذي الفتره اهتمي بتدريب شعرك خليك لما تنتهي فتره الموازنة يصير دربتي شعرك ع اللف والتكنيك الحلو
ويصير بس تحطين ليف ان وتكنيك ثم جل ثم تجففينه بالدفيوزر وتستانسين بأطلق شعرك
